Monday, 18 October 2021

Celler Spiders

Pholcidae Family

හැම කෙනෙක්ගෙම ගෙදර ඉන්න අඬු දිග ඇගෙන් ඉතා කුඩා මකුලුවෙක් තමා මේ Celler Spider කියන මකුලු කාණ්ඩය. මෙයාල ගැන මම ලියන්න හේතුව තමයි මේ අයගෙන් නිවසකට වෙන සේවය. 

සාමාන්‍ය Celler මකුලුවෙක්
 
වැඩුණු පිරිමි සතෙක්
වැඩුණ සතෙක් ශරීර දිග ප්‍රමාණයෙන් මිලි මීටර තුනක ප්‍රමාණයේ සිට මිලි මීටර 7-8 ප්‍රමාණය දක්වාවූ විශේෂ මේ අතරේ ඉන්නවා. පාද සමඟ මුලු ශරීර දිග ප්‍රමාණය සැළකුවොත් ශරීර ප්‍රමාණය වගේ හය ගුණයක තරම් විශාලත්වයක් තිබෙනවා. හිස වගේ තුන් ගුණයක පමණ විශාලත්වයක් තියෙන උදරය කොටසක් තිබෙනවා. මකුලුවන්ට තිබෙන්නේ පැහැදිලිව වෙන් කල හැකි ශරීර කොටස් දෙකයි. ඒ ශීර්ෂ උරස (Thorax) සහ උදරය කියන කොටස් දෙක. නිවෙස් තුල අලු පැහැයෙන් කහ පැහැයට හුරු විශෙෂ සිටින අර නිවසින් පිටත කොළ පැහැ විශේෂද සිටිනවා.

කොළ පැහැති විශේෂයක්
 

මෙම විශේෂ අක්‍රමවත් දැල් වියන්නන් වන අතර අඳුරු අපිරිසිදු නිශ්ශබ්ද ස්ථානයක් දැල වියන්නට තෝරා ගන්නවා. සාමාන්‍යයෙන් වැඩි ආර්ද්‍රතාවක් ඇති ස්ථාන වල දකින්න පුලුවන්. 

දැල තුල සෙලවීමකින් තොරව බලා සිටින අතර තමාට අනතුරුක් සිදු වීමේ ඉඩ ඇති අවස්ථාවකදී පාද ආධාරයෙන් සම්පූර්ණ දැල පැද්දීම සිදු කරනවා. මේ මගින් විලෝපිකයාගෙන් හෝ අනතුරින් තමාට ඇති අවධානය බිදීම සිදු කර වෙනත් ස්ථානයකට වේගයෙන් පලායාම සිදු කරනවා. ගොදුරු දැල මත සිර වූ  පසු එම ගොදුරේ ප්‍රමාණය කුඩා නම් වහා පැමිණ විෂ එන්නත් කොට සම්පූර්ණ ගොදුර දැල් මගින් ඔතනු ලැබේ. ගොදුරේ ප්‍රමාණය විශාල නම් සහ හරි හැටි තම දැලේ පැලී නැති අවස්ථා වලදී පෙර මෙන්ම සම්පූර්ණ දැල පැද්දීමකට ලක්කර ගොදුර සිර කර ගැනීමට උත්සාහ දරනවා. පසුව ගොදුරට විශ එන්නත් කොට ඉක්මනින් ඔතනු ලබනවා.  

වෙනත් මකුලුවෙකුට ගොදුරු වූ Celler මකුතුවෙක්

වැඩුණු පිරිමි සතෙක් සංසර්ගයට සූදානම්ව

වැඩුණු පිරිමි සතෙක් සංසර්ගයට සූදානම්ව

ගොදුර ක්‍රමාණුකූලව එතීමෙන් පසු එය ආහාරයට ගන්නා අතර මකුලුවන්ගේ උදරය ඉතා තුනී බැවින් ගොදුර විෂ මගින් දියකර උරා බීම සිදු කරයි.  මොවුන් ආහාර වශයෙන් කුඩා කෘමීන්, කුහුඹුවන්, මැස්සන් වැනි සතුන් ගොදුරු කර ගනී. කලාතුරකින් වෙනත් මකුලු විශේෂ ආහාරයට ගන්නා අවස්ථා ද තිබේ.

වෙනත් මකුලුවෙක් ගොදුරු කරගත් අවස්ථාවක්

බිත්තරයේ සිට වැඩිහිටි සතෙකු බවත් පත්වීම සදහා වසරක පමණ කාලයක් ගත කරයි. වැඩිහිටියෙකු වශයෙන් සාමාන්‍යයෙන් වසර දෙකක් පමණ ගත කරයි. එක් ජීවිතක කාලයක් තුල ගැහැණු සතෙකු තෙවරක් පමණ බිත්තර දමන අතර වරකදී බිත්තර 13-60 ක් දක්වා දමයි. මොවුන් බිත්තර පුපුරා පැටවුන් එලියට එනතුරු එම බිත්තර පැසක් තුල හොබවා මුඛ උපාංග භාවිතා කර ඔසවාගෙන සිටී.  බිත්තර පුපුරා එලියට එන පැටවුන් දින කීපයක් මවගේ දැල තුල සිටින අතර පළමු හැව ඇරීම සිදු කර මවගෙන් ඉවත්ව තමා සදහා සුදුසු ස්ථානයක් සොයා පිටව යයි. 

පැස තුල බිත්තර

පැස තුල බිත්තර

පැස තුල බිත්තර පුපුරා යාමට ආසන්න කාලයේ

මොවුන්ගේ විෂ මිනිසාට කිසිදු හානියක් නොමැති අතර අරක්නොෆෝබියා යන මානසික තත්ත්වය ඇති පුද්ගලයන් බියට පත් කරයි. ඔවුන් සිටින ස්ථානයක කිසිදු හානියන් සිදු නොවන අතර එම ස්ථාන වල ඇති කුඩා සතුන් (මදුරුවන් වැනි) ආහාරයට ගන්නා නිසා වාසියක් සිදුවේ.

පුපුරා යාමට ආසන්න බිත්තර පැස

බිත්ත්ර පැස පුපුරා යන අතරතුර

වරක් වියන ලද Celler Spider දැලක් ගොදුරු වලින් පිරී අපිරිසිදු වූ විට ඔවුන් එම දැල එකතු කර දැල රඳවා ඇති බිත්තියක හෝ ගසේ තැනක රඳවා අලුතින් දැලක් විවීම සිදු කරයි. කාලයක් මෙම සතුන් සිටි බව හැඟවීම හෝ මොවුන් සිටින බව දැන ගැනීම සදහා මෙලෙස ඉතිරි කර ඇති දැල් ගුලි භාවිතා කල හැකිය.

කෙලවරක එකතු කර ඇති පැරණි දැල් ගුලියක් සහ ගොදුරු සහ හැව නිසා අපවිත්‍ර වූ  දැලක්

බිත්තිය කෙලවරක එකතු කර ඇති පැරණි දැල් ගුලියක්

Saturday, 13 March 2021

Harvestmen or Daddy Long Legs

මොවුන් මකුලුවන්, මයිටාවන් සහ ගෝණුස්සන් අයත් වන Arachnida පවුලට අයත්වේ. අනෙක් Arachnida සාමාජිකයන්ට මෙන්ම මොවුන්ට ද පාදු යුගල හතරක් මෘශ පදාංශ (pedipalps) හා සදංශ ශෘංග (chelicerae) තිබේ. ඇන්ටෙනා නොමැත. කකුල් ඉතා දිගු වන අතර විශේෂ කීපයක් පමණක් මයිටාවන්ට මෙන් කෙටි කකුල් පිහිටයි. බොහෝ විට මකුලුවන් යැයි වරදවා වටහා ගන්නා නමුත් මකුලුවන්ට මෙන් පැහැදිලිව වෙන් වූ උරස සහ උදරය මොවුන්ගේ ශරීරයේ දක්නට ලැබෙන්නේ නැත. තවද මකුලුවන්ට පිහිටන්නා වූ විෂ ග්‍රන්ථි ද මොවුන්ට පිහිටා නැත.

වසරක පමණ ජීවිත කාලයකට හිමිකම් කියන මොවුන්ගේ ගැහැණු සතුන් තෙත පසෙහි බිත්තර දමනු ලැබේ. බිත්තර වලින් පිටතට පැමිණෙන කුඩා සතුන් විශාල වෙත්ම හැව ඇරීම සිදු කරයි. මෙය රූපාන්තරණය නම් වේ. තෙත සෙවන සහිත පරිසරයක් තුළ ජීවත් වේ. මැරුණු ශාක කොටස් හෝ සතුන් සිටින ස්ථාන වල සිටින මොවුන් කුඩා කෘමි සතුන් එනතුරු සැගව සිට ගොදුරු අල්ලා ගැනීම සිදු කරයි.

මොවුන් සතුව විෂ ග්‍රන්ථි නොමැති නමුත් සමහර විශේෂ වල ශරීරය දෙපස ඇති කුඩා ග්‍රන්ථි තුළ රස සහ සුවදින් අප්‍රිය වන්නා වූ ස්‍රාවයක් පවතී. එය විලෝපිකයන්ගෙන් ආරක්‍ෂා වීමට උපකාරී වේ. විශාල මකුලුවන්, කුරුල්ලන් හා Assassin Bug වැනි විලෝපික කෘමීන් මොවුන්ව ආහාරයට ගනී.

Thursday, 1 October 2020

පෙරදිග නිල් මඩ ගොහොරු බඹරා Oriental blue mud dauber wasp

විද්‍යාත්මක නාමය : Chalybion bengalense

ප්‍රමාණයෙන් අගලක් පමණ දිග ශරීරයක් ඇත. ගැහැණු සතුන් හා පිරිමි සතුන් ප්‍රමාණයෙන් සමාන වේ. ආක්‍රමණශීලීතාවයක් නොපෙන්වන මොවුන්ගේ දෂ්ඨනයන් ඉතා දුලභය.

Photograph by Sulakkhana Chamara - Chalybion bengalense කැදැල්ලට යන අයුරු

මල් පැණි ආහාරයට ගනිමින් ජීවත් වේ. නමුත් ඔවුන්ගේ කූඩු තුල පැණි එකරැස් නොකරයි. අනෙක් බඹර විශේෂ මෙන්ම විලෝපිකයන් වන මොවුන් බිත්තර දැමීම සදහා ධාරකයා වශයෙන් මකුලුවන් තෝරා ගනී. ගැහැණු සතුන් මකුලුවෙකු අල්වාගෙන ඔවුන්ගේ උදරය තුලට මල එන්නත් කරයි. මල තුල ඇති විෂ නිසා මකුලුවා අංශභාග තත්ත්වයට පත්වේ. පසුව එම මකුලුවන් ඔසවාගෙන කූඩුව සදහා තෝරාගත් සිදුර තුල ගබඩා කරනු ලැබේ. ගබඩා කිරීමට ප්‍රථම මකුලු උදරය තුලට බිත්තරයක් ඇතුලු කරයි. 

Photograph by Sulakkhana Chamara - Chalybion bengalense මකුලුවා තුලට බිත්තර දමා කැදැල්ලට දැමීමට පෙර

බිත්තර දමා සංරක්ෂණය කරනු ලබන මකුලුවන්ගේ සිරුරු කීටයන් පිටතට පැමිණ ආහාරයට ගන්නා තෙක් කැදලි තුල ආරක්ශා වේ. මකුලුවන් කිහිප දෙනෙකු සහිත කැදැල්ලේ විවරය ගැහැණු සතුන්ගේ ඛේඨය සහ මඩ එක්කර සාදාගන්නා මිශ්‍රණයක් මගින් වසා දමනු ලැබේ. 

Photograph by Sulakkhana Chamara - Chalybion bengalense ගේ කැදැල්ල තුල බිත්තර දැමූ මකුලුවන් ගොඩ ගසා ඇති ආකාරය


ගොහොරු බඹරන් අතුරින් වඩා සුවිසල්ව පැතිරුන විශේෂය වශයෙන් Chalybion bengalense හැදින්විය හැක. අප්‍රිකාවේ නැගෙනහිර වෙරළ තීරය, සීනයි අර්ධ ද්වීපය, ඕමානය සහ ඉරාකය, නැගෙනහිර දෙස ඉන්දියාව, ශ්‍රී ලංකාව, චීනය, ජපානය, ඉන්දුනීසියාව, පිලිපීනය හරහා නිව් ගිනියාව සහ ඕස්ට්‍රේලියාව තෙක් වාර්තා වී ඇත. 

 තව පින්තූර බලන්න මෙතැනින්..

Photograph by Sulakkhana Chamara - Chalybion bengalense බිත්තර දමා අවසන් කල පසු වසා දමා ඇති කැදැල්ලක්

Sunday, 21 June 2020

දිමියා වැනි මකුලුවා Kerengga ant-like jumper

විද්‍යාතමක නාමය : Myrmaplata plataleoides

Red Ant Mimic Spider යන නාමයද භාවිතා වේ. Kerengga යනු මැලේ භාෂාවෙන් කුහුඹුවා වේ
 
ප්රමාණයෙන් ගැහැණු සතෙකු 6-7mm පමණ වන අතර පිරිමි සතෙකු 9-12 mm පමණ වේ. මොවුන් දිමියන් (Oecophylla smaragdina) අනුකරණය කරයි. කුහුඹුවන්ට මෙන් ශරීරය හිස, උරස උදරය ලෙස කොටස් තුනක් නොමැති බැවින් තම කද කොටස ඉණක් වශයෙන් කොටසක් වෙන් වී තිබේ. කුහුඹුවන්ට පාද 6ක් ඇති අතර මකුලුවන්ට පාද 8ක් ඇත. ප්රධාන ඇස් යුගලයක් සමග ඇස් 8කින් සමන්විත වේ.
Photograph by Sulakkhana Chamara - Myrmaplata plataleoides - පිරිමි සතෙකු මදුරුවෙකු දඩයම් කරගෙන
ගැහැණු සතුන් දිමියන්ට බොහෝ සමාන වන අතර පිරිමි සතුන්නේ ඉදිරි හනු එක් කර ගත් විට විශාල දිමියෙකු කුඩා දිමියෙකු ඔසවාගෙන යන ආකාරයක් දිස්වේ. සාමාන්යයෙන් මෙම හනු හකුලා සිටින අතර ආහාරයක් හමුවූ විට දිග හරී. මෙම හනු දිගහරිමින් ‍‍ගොදුර ඩැහැ ගැනීම සිදු කරනු ලබන අතර මුඛය වෙත යොමු කිරීමටද මෙම හනු උපයෝගී කර ගනී.
Photograph by Sulakkhana Chamara - Myrmaplata plataleoides - ගැහැණු සතෙක් දඩයමක අවසානය රස විදිමින්
Photograph by Sulakkhana Chamara - Myrmaplata plataleoides - ගැහැණු සතෙක් දඩයමක අවසානය රස විදිමින්
පිණුම් මකුලුවන් වර්ගයක් වන මොවුන් ශාක පත්ර මත කුඩා දැල් වලින් සැකසූ පැසක් තුල ජීවත් වේ. ආහාරයක් දුටු විට තම කූඩුවෙන් ක්ෂණිකව සැගව සිට පහරදී ගොදුර අල්ලා ගන්නා අතර තමාගේ ආරක්ෂාවට තර්ජනයක් ඇති වූ විට පමණක් පැනීම සිදු කරයි.
Photograph by Sulakkhana Chamara - Myrmaplata plataleoides - පිරිමි සතෙකු මදුරුවෙකු දඩයම් කරගෙන
මොවුන්‍‍ගේ අනුවර්තනය දිමියන් අතර සිටිමින් තමාගේ ආරක්ෂාව සපයා ගැනීම සදහා වේ. විලෝපිකයන් දිමියන්‍‍ගේ ඇති ඇඹුල් රස නිසා ආහාරයට ගැනීමට අකමැත්තක් දක්වන අතර මොවුන් දිමියන්ට සමාන නිසා මොවුන්ටද එයින් ආරක්ෂාව සැපයේ. තවද මොවුන් දිමියන්ගේ කොලනි වලින් පැටවුන සොරකම් කිරීමද සිදු කරයි.

Saturday, 20 June 2020

කඩදාසි බඹරා - Paper Wasp

විද්‍යාත්මක නාමය : Ropalidia marginata
කලංසූරියන් එහෙමත් නැතිනම් කලාන්දුරුවා යන  ප්‍රාදේශීය නාමයන්ගෙන් හැදින්වෙන මෙම බඹර විශේෂය අයිති වෙන්නේ Vespidae කියන කාණ්ඩයට. අදුරු රතු පැහැයට හුරු ශරීරයක් දරයි. සමහර සන්ධි වල කහපැයැයක් දරයි. බදේ පහල කොටසේ කහ පැහැති වර්ණ මුදුවක් ඇත. ගැහැණු කම්කරුවන් රැජිනට වඩා වෙනස් වන්නේ කාර්යයන්ගෙන් පමණි. ගැහැණු සතුන් වයස් ගත වන විට ඩිම්භ වර්ධනය වීම මත රැජිනක් වීමේ හැකියාව ඇතිවේ. රැජිනක් වීම තීරණය වනුයේ සිටින රැජින මිය ගිය පසුය. එවිට රැජින වීමේ සුදුසුකම ඇත්තා වඩා කේන්තිකාරයෙකු බවට පතවේ. මෙම සිදුවීම නිසා ඔවුන් තුල රැජින වීමේ වර්ධනය වීම් සිදුවේ. 
Photograph by Sulakkhana Chamara
රැජින ෆෙරමෝන භාවිතා කරමින් ගැහැණු සතුන් එනම් වැඩකාර බඹරුන්ට තම කාර්යයන් කරන ලෙස පෙළඹවීම සිදු කරනු ලැබේ. එවිට ඔවුන් පැමිණ තම කොලනිය සෑදීමේකාර්යය කරනු ලබන අතර රජින බිත්තර දැමීම ආරම්භ කරයි. මෙය කිසිදු බල කිරීමකින් තොරව රසායණිකව සිදු වන ක්‍රියාවලියකි. පිරිමි සතුන් සංසර්ගයෙන් පසු වෙනත් කොලනි වලට පියාඹ යන අතර ඔවුන් කොලනිය අසල සිටින විට කොලනියේ සිටින පිළවුන් ආහාරයට ගන්නා අවස්ථා නිරීක්‍ෂණය වී තිබේ. 
Photograph by Sulakkhana Chamara
Photograph by Sulakkhana Chamara
ශාක සෙලියුලෝස් හා බඹරාගේ ඛේඨය යොදා ගනිමින් සාදනු ලබන පල්පයක් භාවිතා කරන මොවුන් තම කොලනිය නිර්මාණය කරනු ලබයි. කුටීර 10ක සිට 500ක් දක්වා වූ කොලනි නිර්මාණය කරන අතර මෙම නිර්ඹානය නිසා සීත කාලයේදී පවා පිළවුන්ට උෂ්ණත්වය පවත්වා ගැනීමේ හැකියාව ලැබේ. එමෙන්ම ජලයට ඔරොත්තු දෙන හැකියාවක්  ද පවතිනවා. ෂඩස්‍රාකාර මෙම නිවහන බොහෝ විට පහලට එල්ලෙන ආකාරයෙන් සාදන අතර එහි හැඩය නිසා වඩා ශක්තියක් එය සතුව පවතී. 

මගේ ඡායාරූප තියෙන Facebook පිටුවටත් Like එකක් දාන්න

Friday, 29 May 2020

මැයි මැස්සා - Mayfly

ගෝත්‍රය : Ephemeroptera

වසර මිලියන 300ක පමණ ඉතිහාසයක් ඇති සත්ත්ව විශේෂයක් වන මොවුන් මැයි ජූනි කාලයේදී පරිණත අවධියට පත්වේ. එමෙන්ම පරිණත අවධියට පත් වූ පසු ඉතා කෙටි ආයුකාලයක් පවතින අතර එය සම්පූර්ණ වශයෙන් තම වර්ගයා බෝකිරීමේ කාර්යය සදහා පමණක් වැය කරයි.
Photograph by Sulakkhana Chamara - Imago රෑපාන්තර අවධිය
මේ වන විට ලොව පුරා විශේෂ 2500කට ආසන්න ප්‍රමානයක් හදුනාගෙන ඇත. පිරිසිදු මිරිදියේ වාසය කරන අතර විශේෂ කීපයක් පමණක් කරදිය මිශ්‍ර මෝය ආශ්‍රිතව වාර්තා වී ඇත. ජලාශ ආශ්‍රිත පරිසර පද්ධති තුල විශාල මෙහෙයක් සිදු කරන සත්ත්ව විහේෂයකි. මොවුන්ගේ ශිෂුවන් ඇල්ගී හා ජලජ ශාක පමණක් ආහාරයට ගන්නා අතර ජලජ මතස්‍යයන් මොවුන් ආහාරයට ගැනීමට වඩා ප්‍රියතාවයක් දක්වයි. 

බොරලු මිශ්‍ර පතුලක් සහිත ජලාශ වල හා සෞම්‍ය කලාපීය ඇල දොල ආශ්‍රිතව ජීවත් වන මොවුන් වර්ග අඩියක ප්‍රමාණය තුල ශිෂුවන් 1400 ක පමණ වාර්තා වී ඇති අතර සමහර විටෙක ඉතා කෙටි වරග ප්‍රමාණයක විශේෂ 33ක් පමණ වාර්තා වූ අවස්තාද පවතී.

ජීවන චක්‍රය බිත්තර, ශිෂුවා, subimago සහ imago නම් අවධි වලින් සමන්විත වේ. Imago අවධියේදී තම රෑපාන්තනය රෑකඩ අවධියක් දක්වා පරිවර්තනය කර ගනී. මොවුන් වැඩිහිටි imago අවධියේදී ආහාර ගැනීමක් සිදු නොකරන අතර සම්පූර්ණ වශයෙන්ම සංසර්ගයේ යෙදීම හා බිත්තර දැමීම සදහා පමණක් වැය කරයි. imago තත්ත්වයට පත්වීමෙන් පසු ඔවුන්ගේ ජීවිත කාලය ගැහුණු සතෙකු මිනිත්තු 5ක් පමණ හා පිරිමි සතෙකු දින දෙකක් පමණ කාලයක් ගත කරයි. වැඩිහිටි සත්වයෙකු 2.5mm සිට 3.5mm දක්වා පමණ ප්‍රමාණයේ වේ.

ශිෂු අවධියෙන් පසු ජල මතුපිටින් පිටවන මැයි මැස්සන් අවධි දෙකක් ගත කරයි එයින් දෙවැනි අවධියේදී වැඩිහිටි මැයි මැස්සන් අහසේ පියාසරමින් සංසර්ගය සදහා උත්සාහ කරයි. සංසර්ගයෙන් පසු පිරිමි සතුන් තවත් ගැහැණු සතෙකු සොයා යන අතර ගැහැණු සතුන් ජල මතුපිට බිත්තර 50ත් 10000 අතර ප්‍රමාණයක් දමයි. ඉන්පසු ගැහැණු සතුන් ජල මතුපිට මිය යයි. සති දෙකකින් පමණ බිත්තර පුපුරා ශිෂුවන් පැමිණෙන අතර ශිෂු අවධිය වසරක් හෝ වසර දෙකක් පමණ වේ. ශිෂුවන් පරිණත වීම අදියර දෙකකි. පළමු අදියර subimago නමින් හැදින්වෙන අතර ශිෂු කවචය තත්පර 30කින් පමණ හෙලා දමා මෙම අවධියට පත්වේ.ඉන්පසු පැය 24ක් තුල සම්පූර්ණ imago අවධියට පත්වේ.

Sunday, 27 October 2019

දිමියන් වැනි කකුලු මකුලුවෝ Ant-mimic Crab Spider

විද්‍යාත්මක නාමය : Amyciaea forticeps
මකුලුවන් යනු කාර්යක්‍ෂම කුඩා විලෝපිකයන්වේ. ඔවුන් සමහරක් තම ගොදුර රැවටිය හැකි තරමින් අනුවර්තනය වී ඇත. මේ ඉන් එක් වර්ගයකි. Thomisidae පවුලට අයත් මෙම මකුලු විශේෂය දිමියන් අනුකරණය කරමින් ඔවුන් ගොදුරු කර ගනී. අනෙක් මකුලුවන් මෙන් ක්‍රියාශීලී අයුරින් දඩයම් නොකරන මොවුන් බොහෝ විට ඉදිරියට පසුපසට වෙමින් තම ගොදුර තමා වෙත ලගා වන තුරු බලා සිටී.
Photograph by Sulakkhana Chamara
මොවුන්ගේ ශරීරය පිටුපස කොටස කලු පැහැති ලප දෙකක් පිහිටන්නේ දිමියෙකුගේ ඇස් පිහිටන ආකාරයෙනි. බොහෝ විට කුරුඹුවන්ගේ පසුපස ගාත්‍රා ක්‍රියාකරන අන්දමින් ඔවුන් තම ඉදිරි ගාත්‍ර හසුරවනු දැකිය හැකිය. දඩයම් අවස්ථාවේදී දිමියෙකු අල්ලාගෙන තමා සිටින ස්ථානයෙන් පැන දිමියා සමග තම සේද තන්තුවේ එලිලී සිටී. වාතයේදී ප්‍රතිප්‍රහාර එල්ල කිරීමට හෝ පැනයාමට නොහැකි ගොදුර මත ක්‍රමයෙන් විශ ක්‍රියාත්මක වීමේදී සටනේ ජය මකුලුවාට ලැබේ.
Photograph by Sulakkhana Chamara
ලෝකය වටා මකුලු විශේෂ 300ක් පමණ කුහුඹුවන් අනුකරණය කරයි. මෙම සංසිද්ධිය myrmecomorphy ලෙස හැදින්වේ. මකුලුවන්ට කුහුඹුවන්ට මෙන් ඉන කොටසක් වෙන්වී නොමැත. එබැවින් මෙම අනුකරණය කරන්නන් හට ව්‍යාජ ඉන කොටසක් ඇති අවස්ථා දැකිය හැකිය. තවද කුහුඹුවන්ට ගාත්‍රා 6ක් පමණක් පිහිටද්දී මකුලුවන්ට ගාත්‍රා 8ක් පිහිටයි. අනුකරණයේදී ඔවුන් සතු වැඩිපුර ගාත්‍රා යුගලය ඇන්ටනා දෙකක් පිහිටන ආකාරයෙන් ඔසවාගෙන සිටිනු දැකිය හැකිය. මකුලුවන් කුහුඹු අනුකරණයට හේතු දෙකක් තිබේ. එයින් පළමු වැන්න කුහුඹුවන් ගොදුරු කර ගැනීම වන අතර අනෙක කුහුඹුවන්ගේ ගොදුරක් බවට පත් නොවී සිටීමයි. මෙම දිමියන් වැනි කකුලු මකුලුවන් අයත් වන්නේ පළමු ගණයටයි.
Photograph by Sulakkhana Chamara
Photograph by Sulakkhana Chamara
Photograph by Sulakkhana Chamara